OSTFRIESISCHE LANDSCHAFT - REGIONALVERBAND FÜR KULTUR, WISSENSCHAFT UND BILDUNG
IMPRESSUM | TELEFONZENTRALE: +49 (0)4941 17 99 0
Landschaft von Ostfriesland
NEEIS |
PLATTDÜÜTSK / NEEIS

Mit Swien un Aap Plattdüütsk lehren? Nu geiht dat:  Mit "Mark di dat" hebben wi en neei plattdüütsk Gedächtnisspööl. Dat gifft dat för umsünst in dat Plattdüütskbüro van de Oostfreeske Landskupp för Kinnergaarns un Grundscholen to ofhalen!


Plattsound - de plattdüütske Bandcontest

2017 is dat dat sövente Maal, dat sowat teihn Bands of Alleensingers tegennanner antreden. An de 28. Oktober geiht dat denn in Celle in de CD-Kaserne rund mit Slager, Rock, Pop, Punk, HipHop of Metal. Bit to de 15. September könen sük Bands un enkelte Interpreten in dat Oller tüsken 15 un 30 Jahr unter www.plattsounds bewarven.

Dat maakt nix, wenn een neet rechtschapen Platt kann, daar gifft dat Hülp för! Driest even anropen!


Ostfriesische Grammatik

Pünktlich zum diesjährigen Aktionsmonat "Septembermaant is Plattdüütskmaant" stellt die Ostfriesische Landschaft eine aktuelle Grammatik für das ostfriesische Plattdeutsch zur Verfügung, in der die spezifischen Strukturen der ostfriesischen Sprache erläutert und mit zahlreichen Beispielen veranschaulicht werden. Autor des 250-seitigen Werkes ist der Warsingsfehntjer Wilko Lücht. Die Ostfriesische Grammatik ist im Buchhandel und übers Internet www.olv-gmbh.de erhältlich und kostet 18,90 Euro.

Ostfriesen Zeitung: "Plattdeutsch-Duden heißt Lücht"

Anzeiger für das Harlingerland: "Regeln der plattdeutschen Grammatik"

Ostfriesischer Kurier: "Vorrangig für fortgeschrittene Sprecher"

Ostfriesische Nachrichten: "Ein 'Lücht' durch die plattdeutschen Regeln"

Emder Zeitung: "Grammatik zum Erhalt des Platt"

Generalanzeiger: "Die erste ostfriesische Grammatik ist da"

 

 

Plattdüütskmaant 2016

Nu is dat weer so wied, de Plattdüütskmaant steiht vör de Döör! Uns Plattdüütskbeupdraggten hebben sük weer en heel Bült Aktionen utdocht un ok wi weren neet lei. Wenn Ji weten willen, well in dit Jahr uns Böskupperske is un wat anners noch so löppt, kiekt man even hier!

 

Nett up Tied to uns Septembermaant sünd twee Films klaar worden. De Journalistin un Filmemakerske Hanne Klöver ut Barßel hett de in de Updrag van de Oostfreeske Landskupp un de Plattdüütskbeupdraggten maakt. Cornelia Nath hett dat as Wetenskupperske begleidt. In beid Films geiht dat um frohe Mehrsprakigheid - eenmaal in Kinnergaarns, eenmaal in Grundscholen. Dat is heel interessant för Mesters/kes, Erzieherinnen un Erziehers un Ollen. De könen t. B. ok mooi bi Ollenavenden wiest worden. Beid Films gifft dat bi youtube, de Links daarhen finnen Ji hier:

Kinnergaarnfilm

Schoolfilm

 

 


Fit in Platt - Neje Utteken för Sportverenen

An de 27.10.2015 stellde de Oostfreeske Landskupp tosamen mit de Vereen Oostfreeske Taal un de Sportbünnen van Oostfreesland en neje Utteken vör: FIT IN PLATT. Um disse Utteken kunnen sük Sportverenen bewarven, de in dat Wark mit Kinner un jung Lüü de plattdüütske Spraak bruken.

Disse dree Verenen wurren an de 3. Mai 2016 in dat Forum van de Oostfreeske Landskupp uttekend:

„Vorwärts“ Plaggenburg

„Bahn free“ Großheide

„Noord“ Norden

Landskuppspräsident Rico Mecklenburg un Landskuppsraad Dieter Baumann hebben de Plakette "Fit in Platt" un en Urkunn an elke Vereen overgeven.

Ok in de Presse weer dat en heel groot Thema:

Ostfrieischer Kurier

Ostfriesen Zeitung

Sonntagsblatt

 

 

 


 

Ostfriesische Landschaft und Hochschule Emden/Leer präsentieren Umfrageergebnisse

 

Die Frage „Well van jo kann egentlik Platt?“ ist beantwortet. Möglicherweise noch nicht vollständig, zumindest aber aufschlussreich. Kein halbes Jahr haben die vier Studentinnen  einer  Projektgruppe der Hochschule Emden/Leer unter der Leitung von Frauke Freesemann benötigt, um Tausende von Fragebögen an Lehrer und Schüler zu versenden und anschließend über 4.000 Rückmeldungen wissenschaftlich auszuwerten.   

Ihre Untersuchungsmethoden und Ergebnisse stellten sie am 2. Dezember  im Rahmen einer Pressekonferenz im Forum der Ostfriesischen Landschaft vor. Hauptziel der Untersuchung sei es gewesen, die plattdeutsche Sprach- und Verstehenskompetenz von Schülern und Lehrern 5. und 6. Klassen an weiterführenden Schulen in Ostfriesland zu ermitteln, erläuterte eingangs Grietje Kammler, Leiterin des Plattdüütskbüros der Ostfriesischen Landschaft.   

Da der Rücklauf von rund 4.000 Schüler- und 300 Lehrerfragebögen ganz beachtlich gewesen sei, könne man durchaus von repräsentativen Ergebnissen sprechen, sagte Landschaftspräsident Rico Mecklenburg.

Zu den zentralen Ergebnissen des Schülerfragebogens gehörte die Frage: „Sprichst du Plattdeutsch?“ 37 Prozent antworteten darauf mit „nein“, 17 Prozent gaben an, Platt zu sprechen, und 46 Prozent behaupten, ein paar Wörter Plattdeutsch zu sprechen. Das heißt, fast Zweidrittel sind mit Plattdeutsch zumindest vertraut. Auf die Frage „Verstehst du Plattdeutsch?“ antworteten nur 13 Prozent mit „nein“, 45 Prozent kreuzten bei „ja“ an, 42 Prozent verstehen der Auswertung nach „ein paar Wörter“.

Anders fällt die Auswertung bei den Pädagogen aus: Demnach sprechen 37 Prozent Plattdeutsch „gar nicht“ gegenüber 17 Prozent, die behaupten, Platt „sehr gut“ zu sprechen (15 Prozent = gut, 17 Prozent = einigermaßen, 20 Prozent = kaum).

Von den befragten Lehrerinnen und Lehrern sprechen etwa die Hälfte (51 Prozent) „nie“ Plattdeutsch im Alltag, nur 6 Prozent sprechen Platt „täglich“, „oft“ 8 Prozent, „gelegentlich“ 16 Prozent, „selten“ 19 Prozent. 

Bei der Frage „Verstehen Sie Plattdeutsch?“ machten 35 Prozent ein Kreuz bei „sehr gut“, 20 Prozent „gut“, 29 Prozent „einigermaßen“ und nur 11 Prozent „kaum“ oder „gar nicht“ (4 Prozent).

Diese und weitere Ergebnisse und ihre Analyse werden als Grundlage für zukünftige Aktivitäten des Plattdüütskbüros dienen. Damit das Plattdüütskbüro gezielt Projekte entwickeln kann, sind solche regelmäßigen Befragungen notwendig. Die letzte große Umfrage wurde im Jahr 2009 ausgewertet.

Unterstützt worden ist das Plattdüütskbüro diesmal von einer fünfköpfigen Projektgruppe der Hochschule Emden/Leer. Zu ihr gehören: Frauke Freesemann (Leitung) sowie die Studentinnen Ilka Siebelts, Karina Sunken, Hilke Loerts, Carina Klotz.

Anfang Juni erhielten alle weiterführenden Schulen von der Ostfriesischen Landschaft mehrseitige Fragebögen. Diese waren zunächst von den Studentinnen entwickelt worden und mussten vor dem Einsatz einen sogenannten Pretest durchlaufen, um möglichst objektive Ergebnisse zu erzielen.  

Seit Jahren wirkt und wirbt die Ostfriesische Landschaft für den Erhalt der Regionalsprache Plattdeutsch. Dafür hat sie 1992 eine eigene Abteilung, die Fachstelle für Regionalsprache – dat Plattdüütskbüro, eingerichtet. Eine Aufgabe des Plattdüütskbüros ist es, das Bewusstsein dafür zu schärfen, dass Plattdeutsch zur Bildung einer ostfriesischen Identität beiträgt. Auch durch Initiativen wie „Platt is cool“ werden Projekte entwickelt, die Kinder und Jugendliche Plattdeutsch als eine mögliche Sprache entdecken lassen.

Pressemeldungen


Fit in Platt - Neje Utteken för Sportverenen

An de 27.10.2015 stellde de Oostfreeske Landskupp tosamen mit de Vereen Oostfreeske Taal un de Sportbünnen van Oostfreesland en neje Utteken vör: FIT IN PLATT. Um disse Utteken könen sük Sportverenen bewarven, de in dat Wark mit Kinner un jung Lüü de plattdüütske Spraak bruken.Kriegen kann man en Plakette för de Butenmüür van sien Vereenshuus un en Urkunn, de man binnen uphangen kann. Sük wiesen för Plattdüütsk - dat is de Devise.

 

Bewarven kann man sük bit to de 31. Januar 2016 bi de Oostfreeske Landskupp. Daarför bruukt man de "Vörlaag för ´t Bewarven" ("Bewerbungsbogen") un mutt weten, wat man in sien Vereen all hebben mutt (kiek hier in dat Regelwark).

 

De Landskupp, Oostfreeske Taal un de Sportbünnen freien sük al up jo Bewarvens. Man to!

 


10 Kinnergaarns un 2 Scholen ok wiederhen mehrsprakig

Siet 2006 tekent de Oostfreeske Landskupp Kinnergaarns un Scholen, de mit mehr as een Spraak warken, as mehrsprakig ut. All twee Jahr könen sük de Inrichtens bi d´ Landskupp um en Plakette un en Urkunn bewarven. All fiev Jahr worden de Uttekens "Mehrsprakig Kinnergaarn" of "Mehrsprakig Grundschool" prüüft. In dit Jahr gung dat daarbi um 10 Kinnergaarns un 2 Scholen in Oostfreesland. Man dat hett sük rutstellt, dat all hör Utteken hollen könen.

Wiederhen mehrsprakig sünd de Waldkinnergaarn Auerk "Die Fliegenpilze", de VHS-Kiga "Mittendrin" in Nörden, de Kiga Klecks in Leer, de Kiga Groothusen, de Kiga in Engerhafe e. V. , de Waldkinnergaarn Wiesmoor, de DRK-Kinnergaarn Moordörp, de Kiga in Pilsum, de Kiga "Die kleinen Strolche" in Woltzeten un de Kiga "Leuchtturm" in Wybelsum. Ok blifft de Grundschool in Carolinensiel mehrsprakig un de Möörkenschool in Leer hollt dat Segel "Platt is cool".



MissLAWLHey un dat Plattdüütskbüro bi Radio Nordseewelle

An de 29.09.2015 was dat sowiet: MissLAWLHey un dat Plattdüütkbüro weren in dat Studio van Radio Nordseewelle nöögt un bi Norman Fleischer to Gast. Dat gung um de 10. Plattdüütskmaant un Neele Sinnings Youtube-Channel.

Dat hett uns vööl Spaaß maakt bi jo, Radio Nordseewelle!!!

 

Foto: Norman Fleischer

 


4. Saterdag Plattdüütskmaant-Video van MissLAWLHey

Un hier de Link to dat veerde Youtube-Video van uns Böskupperske Neele Sinning (26. September):


Plattdeutsch für Anfänger #9

https://www.youtube.com/watch?v=OJdO2_sEwSk

 

Foto: Neele Sinning


3. Saterdag Plattdüütskmaant-Video van MissLAWLHey

Un hier kummt de Link to dat darde Video van uns Plattdüütskmaant-Boskupperske Neele Sinning - MissLAWLHey (19. September):

De platte Soaterdach #20

https://www.youtube.com/watch?v=7UlO1FeWMo0

 

Foto: Neele Sinning


2. Saterdag Plattdüütskmaant - Video van MissLAWLHey

Hier de Link to dat tweede Video van uns Plattdüütskmaant-Böskupperske Neele Sinning - Miss LAWLHey (12. September):

Plattdeutsch für Anfänger #8

https://www.youtube.com/watch?v=Q8SG222CQNA   

 

Foto: Neele Sinning


Mit Platt up Padd

De Vereen Lesetoll e.V., de Grundschool Rechtsupweg un dat Plattdüütskbüro van de Oostfreeske Landskupp hebben Platt in disse Plattdüütskmaant dat eerste Maal tosamen up Padd brocht: De Kinner ut de Plattdüütsk-AG van de Grundschool Rechtsupweg hebben tosamen mit hör Mesterske Birgit Stratmann plattdüütske Texten upschreven un anmaalt. An de 11.09.2015 was dat dann sowiet: De Texte kwammen in de Stelen van de Lyrische Padd, so dat elk un een plattdüütske Gedichten un Geschichten bit November lesen kann, wenn he in dat Holt van Wallinghusen spazeren geiht.

 

Bedankt Grundschool Rechtsupweg un bedankt Vereen Lesetoll för disse Stöön!

 


1. Saterdag Plattdüütskmaant - Video van MissLAWLHey

Hier de Link to dat eerste Video van uns Plattdüütskmaant-Böskupperske Neele Sinning - MissLAWLHey (5. September):

De platte Soaterdach #19

 

https://www.youtube.com/watch?v=-SZbEx8mACg

 

Vööl Spaaß!!!

 

Foto: Neele Sinning


En plattdüütsken Bokenkist för Grootheid

An de 8.9.2015 övergaff de Oostfreeske Landskupp vertreden dör Landskuppsraad Helmut Markus en plattdüütske Bokenkist an de Gemeentebökeree in Grootheid in de Friederikenschool. Besünners Kinner un jung Lüü sallen van dat Angebood profiteren un en Bült up Platt to lesen kriegen in hör Kinnergaarn un hör School.

Elk kann sük de Boken över de Friederikenschool utlehnen.

 

Vööl Pläseer bi ´t Lesen!

 


Silke Gastmann is de eerste Plattdüütskbeupdraggte van de Hoogschool Emden/Leer

An de 3.9.2015 is Silke Gastmann van de Präsident van de Hoogschool Emden/Leer, Prof. Dr. Gerhard Kreutz, as eerste Plattdüütskbeupdraggte van de Hoogschool Emden/Leer benöhmt worden. Silke Gastmann, de 2014 de Projektmitarbeiderske för d´ Plattdüütskmaant west is un nu de Studiengang "Inklusive Frühpädagogik" an d´ Hoogschool koordineert, much neet blot en Anspreckpartner för Plattdüütsk wesen. Se much ok de jung Studenten informeren, wo belangrik dat in Oostfreesland is, Plattdüütsk bi d´ Arbeid proten to könen - un dat ok mit lüttje Kinner in de Kinnergaarns. As een, de Platt van Anfang an sülvst in ´t  Huus lehrt hett, much se butendeem en Vörbild för jung Lüü wesen, sülvst uttoproberen, Platt to proten.

 

Foto: Wilfried Grunau, Hoogschool Emden/Leer

 


MissLAWLHey bi Radio Oostfreesland

An de 1.9.2015 wassen dat Plattdüütskbüro van d´ Oostfreeske Landskupp un de Böskupperske van de 10. Plattdüütskmaant, MissLAWLHey bzw. Neele Sinning up Visiet bi Radio Oostfreesland. Neele hett vertellt, wo se sülvst Platt lehrt hett un wo se Kinner un jung Lüü daarto kregen much, Plattdüütsk to lehren.

 

Maak wieder so, Neele!

Bedankt Radio Oostfreesland!



En Youtuberin as Böskupperske för de 10. Plattdüütskmaant

 

MissLAWLHey van Youtube of Neele Sinning ut Pogum in dat Rheiderland is de Böskupperske van de 10. Plattdüütskmaant, de tosamen van de Plattdüütskbeupdraggten van de Kommunen in Oostfreesland un de Oostfreeske Landskupp dörföhrt word.

Siet 2 Jahren maakt Neele Sinning Videos up Youtube, man eerst sietdeem se de Videos up Platt maakt (haast siet 1 Jahr), hett se en Bült Klicks kregen: Dat eerste "Plattdeutsch für Anfänger"-Video hett al 30.000 Klicks. Mit hör Videos un as Böskupperske much se Kinner un jung Lüü daarto animeren ok Plattdüütsk to lehren. Se much wiesen, dat man sük as en jung Minske up Platt up desülvige Maneer utdrücken kann, as up Hoogdüütsk.

 

Hör Videos komen elke Saterdag in d´ Septembermaant to d` Teetied Klock 3 Ühr rut. Finnen kann man de bi youtube unner de Youtubechannel "MissLAWLHey" of unner desülvige Naam, man ok de Oostfreeske Landskupp verlinkt de enkelt Videos up hör Homepage (Rubrik "Plattdüütsk").

 

Vööl Pläseer bi ´t Ankieken!!!

Un hier de Link to hör eerst Video för de 10. Plattdüütskmaant:


https://www.youtube.com/watch?v=tJVw4ipGXvw&feature=youtu.be


Plattdüütskbüro un Radio Oostfreesland in d´ Grundschool Constantia


An de 9.7.2015 besöchden dat Plattdüütskbüro van de Oostfreeske Landskupp un Radio Oostfreesland de Plattdüütskklass van d´ Grundschool Constantia. Keno Bergholz mook mit de Kinner Upnahmen för d´ Radio, daarmit de Kinner elk un een wiesen könen, wo fix se nebenbi in d´ School Platt lehrt hebben. De Kinner harren en Bült Spaaß an disse Aktioon! Maakt wieder so!

 

Foto: Anke Janssen

 


Neei rutkomen: "Die Zukunft ist mehrsprachig"

Dat Plattdüütskbüro hett de Broschüre "Die Zukunft ist mehrsprachig" överarbeidt un heel neei rutgeven. Se verklaart neet blot, wat frohe Mehrsprakigheid egentlik is, denn dat geiht ok daarum, wo Kinner mehrsprakig worden un wat se för Vördelen hebben, wenn se mit mehr as een Spraak upwassen. Dat Plattdüütskbüro much mit de Broschüre butendeem ok wiesen, dat ok Plattdüütsk as en egen Spraak daarto höört! 

De Broschüre gifft dat umsünst in dat Plattdüütskbüro van de Oostfreeske Landskupp in dat Landskupphuus an d´ Georgswall!

 


Baadregels nu ok up Platt

An de 23.4.2015 övergaff de Vereen Oostfreeske Taal 1000 Plakaten mit Baadregels in dat oostfreeske Platt an de Mesterskes un Mesters van dat Projekt "Ostfriesland und das Saterland als Modellregion für frühe Mehrsprachigkeit". Ferdinand Reit, Vörsitter van d´ DRLG Oostfreesland, Grietje Kammler van dat Plattdüütskbüro un Herma Knabe, de dat Projekt koordineren deit, freiden sük tosamen mit de Projektmesters, de för hör Wark mit Platt an hör Scholen nödig Materiaal bruken.

 

Bedankt Oostfreeske Taal!!!

 


Wiederbilden för de Erzieherskes van uns Nettwark

An de 23.4.2015 gaff dat van uns Plattdüütskbüro en Wiederbilden för de Erzieherskes van dat Nettwark "Plattdüütsk in de oostfreeske Kinnergaarns". Remmer Kruse un Robert Hinz, Berades in dat Nettwark "Die Region und ihre Sprachen im Unterricht" harren sük en Programm mit plattdüütsk Leden för lüttje Kinner overleggt. Up disse Wies kregen de haast 40 Erzieherskes nejes Materiaal för hör Wark mit Plattdüütsk an d´ Hand. De Integrationskinnergaarn Grootheid harr sien Rumen för disse Veranstalten anboden.

 


Trecker fahren "löppt" - Gewinner des Postkartenwettbewerbes stehen fest

 

Fatma Beslenmis aus Syke (20) und Anne-Lee Fiedler aus Affinghausen (17) konnten den zweiten Postkartenwettbewerb der niedersachsenweiten Initiative "Platt is cool" für sich entscheiden. Sie wählten zu dem vorgegeben Spruch "Kann, mutt, löppt" aus dem Song "Löppt" der Band De Fofftig Penns ein Motiv, mit dem sie zeigen, wie Trecker fahren "richtig geht". Damit überzeugten sie die Jury und setzten sich gegen ca. 150 Mitbewerber durch.

 


Freeigaav: www.platt-wb.de

An de 17.3.2015 gaff de Oostfreeske Landskupp de Adresse van de Webstee för dat "Plattdeutsch-Hochdeutsche Online-Wörterbuch für Ostfriesland" tosamen mit de, de dat Projekt stöönt hebben, bekannt. Dat wassen Heike Fliess van dat Ministerium för Wetenskupp un Kultuur, Dr. Gesa Schönermark van de Stiftung Neddersassen un Martin Feldkamp, Vörsitter van de Vereen Oostfreeske Taal.

 

Kiekt doch ok even rin, sett de Link up jo Homepage of stüürt hum an Frünnen wieder!

 

Klick hier: www.platt-wb.de

 

Un kiekt ok maal hier: https://www.youtube.com/watch?v=gmxF1xJA4Vk 

of, wenn dat neet geiht, geevt bi youtube De platte Soaterdach #6 lieder raden" in, dann findt ji en Video van Miss LawlHey! De Leichtmatrosin warvt för uns Online-Woordebook in hör neeiste Video!

 


Daarbi kummt ok de Integrationskinnergaarn Grootheid

An de 9.3.2015 tekende de Oostfreeske Landskupp ok de Integrationskinnergaarn Grootheid as "Mehrsprakig Kinnergaarn" ut. In disse Kinnergaarn proot een van de Erzieherskes de hele Tied Plattdüütsk mit de Kinner in all Berieken. Se nimmt immer weer an Fortbildens deel und warkt eng mit de Landskupp tosamen. Butendeem motiveert se de anner Erzieherskes, ok mit de Kinner Platt to proten.


Ok de DRK-Kinnergaarn in Theene word en "Mehrsprakig Kinnergaarn"

An de 5.3.2015 tekende de Oostfreeske Landskupp ok de DRK-Kinnergaarn in Theene as "Mehrsprakig Kinnergaarn" ut. In disse Kinnergaarn proten dree van fiev Mitarbeiderskes elke Dag 3 Stünnen in all Berieken Plattdüütsk mit de Kinner. De Kinnergaarn warkt butendeem vööl mit de Möhlenvereen in Theene tosamen, so dat de Kinner ok över de Vereenslüü mit de plattdüütske Spraak in Kuntakt komen. De Erzieherskes willen de Kinner mit Hör Engagement neet blot Plattdüütsk bibrengen, man se willen ok, dat de Kinner Plattdüütsk as en heel normalen Spraak kennenlehren, de to Oostfreesland höört.

 


Ok de Kinnergaarn "Lüttje Eiland" in Visquard un dat Kinnerhuus Wittmund sünd nu mehrsprakig

An de 17.2.2015 un de 19.2.2015 tekende de Oostfreeske Landskupp de Kinnergaarn "Lüttje Eiland" in Visquard un dat Kinnerhuus Wittmund as mehrsprakig ut un övergaff en Plakette, en Urkunn un en Geldzuwendung van de Oostfreesland-Stiftung van de Oostfreeske Landskupp. Beid Kigas hebben de Idee van en mehrsprakigen Erziehung in hör Programm: De Erzieherskes in Visquard proten een Week Hoog-, de anner Week Plattdüütsk mit de Kinner, in dat Kinnerhuus Wittmund proten immer 3 van 12 Erzieherskes Plattdüütsk. De Kinner komen so in beid Husen alltied mit twee Spraken in Kuntakt.  


Kinnergaarns "Lüttje Hoppelkes" in Uthwerdum un "Flohkiste" Moordörp as "mehrsprakig" uttekent

An de 28.1.2015 sünd de Kinnergaarns "Lüttje Hoppelkes" in Uthwerdum un "Flohkiste" Moordörp as "Mehrsprakig Kinnergaarn" uttekent worden. Se sünd van de Oostfreeske Landskupp utsöcht worden, wiel de meesten van de Erzieherskes immer Plattdüütsk mit de Kinner proten un de nedderdüütske Spraak so immer mit daarbi is. Ok de Grootollen komen stadig vörbi un maken wat up Platt mit de Kinner, meesttieds singen un lesen se. Butendeem gifft dat eenmaal in d´ Week Engelsk. De Kinner komen so froh mit verscheden Spraken in Kuntakt, lehren Plattdüütsk un hebben laterhen en groot Vördeel daarbi, anner Spraken eenfacher to lehren.

Maakt wieder so!!!


Grundschool Wymeer schafft 2. Platz bi de Wettbewarv "Platt ´n´ Play"

De Grundschool Wymeer hett bi de Wettbewarv "Platt ´n´ Play" de 2. Platz schafft. De Wettbewarv, de van de Initiative "Platt is cool", de ut Vertreders van all Landskuppen un Landskuppsverbannen ut Nedersassen för Plattdüütsk besteiht, was dat eerste Maal utschreven worden. Scholen un enkelt Lüü kunnen sük mit en Karaokevideo to de Leder "Löppt" van DE FOFFTIG PENNS un "Sömmerkinner "van de TÜDELBAND bewarven un 200 Euro winnen. An de 22.1.2015 övergaffen de Präsident van de Oostfreeske Landskupp, Rico Mecklenburg, un Grietje Kammler, de Baas van dat Plattdüütskbüro, stellvertredend för de Warkkoppel "Platt is cool", de Pries.

 


Grundschool Rechtsupweg kriggt Segel "Platt is cool" van de Oostfreeske Landskupp

An de 21.1.2015 tekende de Oostfreeske Landskupp de Grundschool in Rechtsupweg mit dat Segel "Platt is cool" för hör Verdennsten för de plattdüütske Spraak an hör School ut. De Präsident van de Oostfreeske Landskupp, Rico Mecklenburg, övergaff tosamen mit Grietje Kammler, Baas van dat Plattdüütskbüro, de Plakette, de Urkunn un de 250 Euro van de Oostfreesland Stiftung van de Oostfreeske Landskupp. De Landskupp hett disse School uttekent, wiel neet blot 3 van de Mesters, de Sekretärin un de Huusmeister allerbest Platt könen un ok mit de Kinner Platt proten, man ok, wiel  dat Fack Religioon in verscheden Klassen up Platt unnericht word, dat en Plattdüütsk-Warkkoppel gifft, de Theater-Warkkoppel plattdüütsken Theaterstücken upföhrt, un de School immer weer an de plattdüütske Leeswettstried deelnimmt.

 

Dat Plattdüütskbüro graleert un seggt: Maakt wieder so!!!


En plattdüütsken Bokenkist för de Gemeent Krummhörn

An de 19.1.2015 övergaff dat Plattdüütskbüro tosamen mit de Plattdüütskbeupdraggte van de Gemeent Krummhörn, Heinz Richter, un Börgmester Frank Baumann en plattdüütsken Bokenkist an de Bibliothek van de Grundschool Jennelt stellvertredend för de Gemeent Krummhörn. De Idee van de Bokenkisten kweem 2011 van de Plattdüütskbeupdraggten van de Kommunen in Oostfreesland un dat Plattdüütskbüro up. Elk un een sall de Mögelkheid hebben, umsünst up en Utwahl an plattdüütske Materiaal in sien egen Kuntrei togriepen to könen: Ollen un ok de Mitarbeiders van de Kinnergaarns un Grundscholen.

KALENDER
Events